Chauffeur desconoci ta manda su auto riba otro vehiculo den Franse Pas

Tabata un tiki prome cu 11’or di diadomingo anochi, ora cu un homber coriendo den Franse Pas a topa cu un auto moviendo den forma malisimo pa cual, el a bisa, a dicidi di yama Polis.

E chauffeur ta conta cu e persona su dilanti tabata haciendo algun maniobra straño cu su vehiculo y esaki ta loke cu a hala su atencion. El a duna e Polisnan tur e datonan di e auto y cu esaki dado momento den e area di Rooi Taki a tuma direccion di Wela.

A resulta cu esaki no tabata e unico chauffeur a nota e actuacion straño di e auto aki. Un otro chauffeur mas a sinti su mes menasa pa e auto misterioso ya cu e chauffeur dos biaha a manda su auto riba esun di dje, pero den area di Balashi.

E ultimo chauffeur aki a conta cu el a spanta masha hopi pasobra el a kere cu ta un atraco kier a comete riba dje. El a bisa cu e lo pasa mainta warda pa entrega keho.

Patruyanan a core den bisindario di Rooi Taki, Wel y despues na Balashi, pero no a topa cu e Hell Driver aki.