Roland de Cuba ta un di e organisadonan di Copa Cees Bossers, cu ta tumando luga na Eagle Beach. El a splica cu e aña aki nan ta cumpliendo 20 aña y Eagle Beach tin awo un beach policy, cu no ta permiti tipo di eventonan asina.
De Cuba ta sigui splica cu Copa Cees Bossers, a crea un custumber y esey mester bay un otro caminda. De Cuba no ta kere cu ta bon pa caba cu e evento aki.
E evento aki a cuminsa door di un idea di un miembro na Tanki Leendert, hunto cu de Cuba mes y defunto Cees Bossers. Nan tabata recauda fondo den Carnaval pa nan organisacion y a pensa pa bin cu algo mas pa un periodo mas grandi. Manera Carnaval ta un periodo grandi, Campamento ta un periodo grandi. Debi na esey a bay purba p’abao di La Quinta, cu baricada di gobierno, cu algun gol pisa. A traha duro di comienso, for di e prome intento y ainda awo e evento ta duro. Pero e pueblo di Aruba cu ta bin gosa di e beachnan mes ta pidi pa e evento aki no caba.
Semana Santa
Ta scoge Semana Santa, mirando cu tin un publico grandi den e area. Pero no cu e mester bin cu un campeonato. Aruba tin bon beach y tambe tin bon hungado. AVB a cuminsa wak den nan direccion y mester siña sluit aan pa haya un solo facilidad caminda cu ta pone beach tennis, beach volley y beach football.
Gradicimento
A saca un potret como un recuerdo di e miembronan, cual mayoria tin 20 aña cu e organisacion. Nan ta di Tanki Leendert y hendenan conoce nan bon. Ta gradici tur otro cu ta coopera cu e organisacion. Sponsornan tambe. Semper tin un sponsor principal pa carga e evento. E aña aki nan ta cu Balashi y ta gradici nan. SETAR tambe tin hopi aña cu nan.
Nan ta asina hopi cu ta coopera cu e organisacion. Pero esunnan mes cu tin mester, prome cu bo kier convence nan pa bin yuda, e no ta bay. Segun de Cuba mayoria organisacion ta pasando den e cosnan aki. Ta pidi un cooperacion, instancianan cu ta depende di nan, no ta hay’e. De Cuba a menciona cu pa bay eynan, mester un kampeervergunning. Pa haya un conexion di awa mester di e permiso eynan. Diahuebs atardi pa 4’or el a bay busca su permiso y ta imposibel pa haya e conexion di awa. Sa pasa si.
De Cuba ta gradici tur campista rond tambe. Ta spera si pa e luga keda pa por campa dushi toch y no caba cu e custumber.
