Recientemente Aruba One Happy Island Lions Club a ricibi e grato noticia cu Director di Miembrecia, fellow Lion Junior Arends a ricibi for di Lions Club International un reconocimento pa su trabou di engrandece nos club durante e celebracion di 100 aña di Lions Club International.

Fellow Lion Junior a ricibi e Silver Centennial Award den forma di un pin y esaki a wordo otorga na su persona, durante nos ultimo reunion di miembronan, door di fellow President Andy Curiel y fellow Secretary Carla Martinus.

Directiva y miembresia ta desea fellow Lion Junior Arends hopi pabien cu e reconocimento ricibi for di nos oficinanan internacional. Sigur como club hoben nos ta hopi orguyoso di e logro aki.

Bo tambe ta interesa den join nos y forma parti di e club di servicio mas grandi na mundo, no duda den tuma contacto cu nos na [email protected] of 594-5212.

Comments

comments