Durante y despues di Jouvert Morning e unidad motorisa a eherce su controlnan na puntonan strategico.
A controla un total di 180 vehiculo di motor y a detene 24 chauffeur bao di influencia di alcohol, di cual shete tabata hende muhe.
Durante e control aki 8 chauffeur a perde nan rijbewijs “ ingevorderd” y nan lo mester presenta dilanti hues pa trata nan caso.
Cuerpo Policial Aruba ta keda conseha si bo ta bebe NO stuur. Control di unidad motorisa lo continua durante y despues di cada evenemento di carnaval.
