Diadomingo mainta un homber cu ta contratista y ta traha den e area di construccion a fayece. Ta calcula cu e tin 38 aña. E no ta di Aruba y no tin famia na Aruba. No ta traha cu AAA.
Mainta ora el a yega trabou el a bisa su coleganan cu un di su mannan ta manera straño. Probablemente circulacion di sanger of e prome señalnan tabata yegando cu e tin problema di salud. Un rato despues e lo a bebe basta awa.
Despues el a haya un ataca y cay di cabes causando daño na su cara. Prome instante a kere tabata un accidente. Despues a resulta cu ta un ataca el a haya y muri mesora.
Polis staciona na aeropuerto, ambulance, Marechaussee, dokter y slachtofferhulp a presenta. No por a haci nada mas pa e persona. Aurora Funeral Home a manda su personal na e sitio pa transporta e curpa sin bida. Awo ta cuminsa e proceso pa avisa famia den exterior pa asina finalmente manda e restonan pa su pais natal. Paz na su alma.