Fundacion Parlamento Hubenil Aruba ta organisa nan projecto anual “summer courses 2017”. Summercourses ta un projecto sumamente exitoso y sigur cu e aña aki esaki no lo ta exepcion!
Summer courses ta dirigi pa hobennan di edad 14 pa 23 aña den nos communidad. E cursonan lo tuma lugar dia 17,18 Y 19 di July 2017 na Piedra Plat Entertainment Center cuminsando for di 9or di mainta. Registration lo cuminsa for di 8:30 di mainta. E aña aki lo tin differente cursonan sumamente atractivo pa nos hobennan. E cursonan lo ta entre otro conoce bo mes, communication skills, time& project management Y tambe public speaking. E lo ta tres dia y lo ricibi cuater workshop pa dia. E aña aki e comision organisador di Summer Courses haci hopi enfoke pa haci cursonan hopi mas interactivo. Summercourses lo ta diferente for di e añanan anterior. Lo maak mee un Summer Courses full diferente. Parlamento Hubenil ta kere cu nos hobennan mester por ta hopi mas activo y productivo den vakantie grandi, ta pa esaki mes a bin cu e inciativa pa bin cu un projecto asina, stimulando e “continiuous learning” di nos hobennan.
Si bo ta un hoben cu lo ta bayendo studia afor e aña aki, esaki siguramente lo ta un bon oportunidad pa asina bo prepara bo mes cu tips pa e bida nobo como future professional. Lo tin bus saliendo for di 7Am for di Centro di bario Lago Heights sigui pa Theresita Center,Centro di Bario Brazil, Centro di Bario Savaneta, Club Universal na Pos Chiquito Y pa ultimo Club Estrella pa yega 8:30Am Piedra Plat Entertainment Center. E prijs pa tur 3 dia ta di ALF. 15 florin of por paga 7.50 pa dia. Pa inscribi y forma parti di Summer Courses por tuma contacto cu Parlamento Hubenil na 5886860/ 5838856 of na [email protected] of tambe por pasa na nan oficina situa na YMCA Dakota entre 9am pa 5pm. Kier a gradeci e sponsornan cu a contribui na Summercourses 2017 cu ta CEDE Aruba y Feria Social, Maggy’s Aruba, Boolchands y Sams.
