Cuerpo Policial a reuni ayera cu representantenan di partido y a duna basta informe riba entrega di lista. Conseho Electoral a tene nan conferencia di prensa pa splica riba e proceso di entregamento di lista cu ta tuma luga diabierna awo, 7 di mei. Durante e conferencia di prensa tabatin presente Censo, DVG, Cuerpo Policial, Crisis Team y DOW.
Cada uno a trece dilanti nan punto y tambe solucion pa haci e proceso di eleccion uno mas miho y lihe. Electoral Raad na final ta esun responsabel pa un eleccion independiente, ta supervisa esaki. Ta importante pa tur hende compronde cu eleccion di dia 25 di juni proximo ta sosode den cada urna electoral. Director di Censo, Sharin Luidens, a expresa cu cada presidente di urna ta responsabel p’e proceso di eleccion di e urna, nan ta responsabel p’e conteo di voto den urna riba dia di eleccion.
Loke Electoral Raad ta haci tambe sosteni pa Censo, DOW, otro departamento manera CBS, DIA, BUVO y tur stakeholders y otronan ta sostene logistica, ta sostene e proceso electoral. Mester ta duidelijk e biaha aki den e 70 urna mas dos bijzonder stembureau, e urnanan tin presidente propio cu cuater miembro mas, kende ta hendenan confiabel di duna nan mes boluntariamente. Censo y otro departamentonan ta yuda sostene 356 miembro di urna pa facilita nan trabou, ya cu nan ta haci tur cos. Pa mas informacion lesa e corant digital TREMPAN.
