Tabata pasa di 7or di anochi, cu a start un pelea den Bubali Enterprises. Esaki ta un supermercado nobo net na e rotonde di Bubali. Durante cu e supermarket tabata tin basta cliente aden haciendo nan compras pa bay cas, dos homber color scur tambe a drenta den e supermarket. Un rato despues un otro persona a drenta y a cuminsa un pelea unda arma blanco tabata den wega.
Un di e hombernan color scur a saca un arma blanco y dal e otro persona den su cabez y kap’e malamente. Polis di Playa y Noord a yega pa asina wak si nan ta logra topa cu e agresor. E agresor a bandona e sitio den un Suzuki Swift preto y a bay direction Noord. Polisnan a tuma datos for di e persona herida. Despues polis a bay na cas di e agresor pero no a logra topa cune. Polis a laga sa cu pronto lo pone man riba e agresor cu ademas ta conoci di polis. E victima no tabata kier yudanza di personal di ambulance.
