Recientemente a tuma luga e celebracion di e bicentenario di independencia di Peru organisa pa Fiestas Patrias – Peruanos en Aruba. Diadomingo cu a pasa nan a celebra esaki en grande den Centro di Bario y Deporte Dakota cu un evento gastronomico cultural conhuntamente cu otro actividad manera canto y baile como tambe algun wega y deporte.
Guillermo Salinas, presidente di Fundacion Fiestas Patrias – Peruanos en Aruba a conta cu diaranson dia 28 di juli ta e dia oficial di e bicentenario. Humildemente, nan a haci un reunion chikito cu e comunidad pa asina hisa nan bandera nacional.
E comunidad Peruano ta invita pueblo henter pa culmina diaranson 28 di juli pa 7or di anochi na misa San Francisco pa conmemora y brinda honor riba dia di independencia di Peru y tambe pa recorda esunnan cu a fayece debi na covid.
