Den pleno celebracion di independencia di Peru, e vice-presidente di Fundacion Fiestas Patrias Peruanos na Aruba, Livaney Lujan a conta con orguyoso e comunidad Peruano ta sinti cu e celebracion aki. A celebra cu Peru a cumpli 200 aña di libertad. A inicia e celebracion cu un evento gastronomico cultural den cual a disfruta di e cumindanan tipico di Peru manera ceviche, mazamorra, alfojones, pollada y mas. Tambe tabatin varios actividad manera deporte, wega y orquesta.
Lo continua esaki diaranson mainta caminda nan lo bay hisa nan bandera nacional na Parke Wilhelmina y anochi nan lo bay tene un conmemoracion di e 200 aña di independencia cu un Solemne misa na ‘Parroquia de San Francisco de Asis’ cu lo keda ora pa Rev. Parroco Stanislaw Sekula. Den esaki nan lo honra e Peruanonan cu a fayece debi na Coronavirus.
Lujan a conta cu na aña 1821 a declara e independencia di Peru for di e monarkia Spaño.
E comunidad Peruano ta agradecido cu na Aruba nan por celebra e bicentenario den gran forma mirando cu na Peru mes, e comunidad mester a celebra na cas y/of virtualmente. A termina invitando henter e comunidad di Aruba pa celebra esaki hunto cu nan.
