Mundo henter tabata testigo di un pandemia no conoci den e tempo moderno, un era sin precedente cu a tuma hopi den e bida diario. Poco tabata sa cu e pandemia lo a cobra bida di hopi y p’esey hende a bira mas consciente di nan capacidad, nan forsa como ser humano. Cu e instinto di sobrevivencia, hende a realisa di tin e spirito indomabel pa por supera e holocaust di un porcion di viral y cuanto mas lucha contra e virs, mas hende a descubri nan forsa cu nunca tabatin.
Cu e triunfo di resiliencia, pocopoco ta mira recuperacion di e ruinanan di e pandemia, e mesun manera cu Comunidad Filipino na Aruba en conexion cu nan 123 aña Dia di Independencia di Filipina kier celebra e dia aki, dia 12 di juni 2021 na Prinses Wilhelmina Park.
E aña aki e tema ta KALAYAAN 2021: “Diwa ng Kalayaan sa Pagkakaisa at Paghilom ng Bayan” cu ta significa e Esencia di Libertad den Union y Recuparacion di e Nacion. Bin hunto como un nacion a demostra hopi biaha y un biaha mas cu hunto por logra mas cos y ta inspira amistad. E acto di celebracion aki nan kier mustra mundo cu Aruba a acepta e cambio fortifica fe y solidaridad. Cu esey den mente, ta invita cu consciencia fuerte pa celebra di manera responsabel y comparti cu comunidad di Aruba e sensacion di alegria cu nan ta sinti como Filipino biba riba e isla.
Den nomber di Consul General Ami Henriquez-Mendez, ta invita nan compatriota y amistad di Aruba pa comparti cu nan e evento special di dia 12 di juni pa 10:00 am, unda lo tin un acto di protocol y ceremonia di hisamento di bandera, sigui pa baile cultural cortico y brindis.
“Ban cuminsa sana nos mes, nos comunidad y mundo, nos lo hacie, pasobra hunto nos por!”
