Awor Polisnan por cuminsa nan controlnan cu mas smaak atrobe. Awor tin espacio pa pone auto y brommer confisca.
Un siman di limpieza tabata tin caminda a logra deshaci di un cantidad di vehiculo cu entre otro tin añanan largo benta den cura na Balashi. Como 400 auto y algun 100 brommer a deshaci di dje.
Entre e autonan benta afo tin tambe autonan di gobierno mes. Autonan di Polis y CEA a ser benta afo. A machica e autonan y lastranan hibanan panin compania cu ta bende metal. Hopi auto e soño no lo por a tume bek pasobra nan mester trece documento y paga pa cada dia cu e auto keda para eyden. E ta bira un suma mas halto cu balor di e auto mes. Pesey tin auto cu tin hasta 8 aña para den cura. A cuminda stappel e autonan aki na dado momento riba otro. Awor cu e cura ta limpi por kita autonan sin seguro y sin belasting paga.
Tambe lo cuminsa cu un registracion bon y digital pa asina tin un record di cada auto para den cura. Kizas mester duna un lapso di tempo di dos of tres luna pa regla e cosnan y bay cu e auto. Si no regle ta sea bende of destrui e auto of brommer. Despues di e limpieza completo a bari e cura lage nechi nechi cla pa yama bon bini na mas vehiculo confisca pa incumplimento. Esaki ta un foto di e cura wardando su cargamento nobo.
