Partisipashon historiko hopi abao di votadonan den elekshon Bonaire 2019

NKBB ta felisita e pueblo Boneriano pa su akto di balentia I resistensia sin presendente di massalmente protesta I boykot e elekshonan fake o falsu di 20 mart 2019 organisa pa e gobierno Hulandes komo un akto di desesperashon pa legitimisa e status kolonial Hulandes impone na 10-10-10.

Manera tur analista-politiko ta analizando e resultadonan, NKBB a determina ku e base di e referendum di 2015 , e 5040 votadonan No,  a permanese intakto I asta a krese mas. E resultadonan di e elekshon di 2019 ta mustra; 5269 no a vota,  I 215 votonan inbalido I blanku I e partidonan pro-Bonaire (EN-UPP-FSP-URB) ku 1284 voto ta totalisa 6788 votadonan ku no ta kontentu I a protesta kontra e status kolonial aktual.

I ahinda nos tin ku konta serka esaki e kantidat di suidadanonan ku den elekshon a vota pa tradishon, emoshon, loyalidat ets, nan nan lidernan I kandidatonan di PDB I UPB pero ku ta kontra e systema aki, I kier Bonaire bek, I ku a vota No den referendum di 2015.

NKBB a hasi yamada na e pueblo pa sea no vota o vota blanku komo protesta, pa no kai den trampa demokratiko di Hulanda I pa protega e rechazo masivo di e status aktual den e referendum di 2015. No vota pa sigui mustra e desatisfakshon kontra e aneksashon illegal I ankramentu di e teritorio I pueblo Boneriano den konstitushon Hulandes sin derecho igual bao di gobernashon kolonial Hulandes for di Den Haag. E voto-di-protesta tambe tabata simultaneamente komo akto di solidaridat na nos rumanan di e pueblo di Sint Eustatius kaminda ku e gobierno Hulandes pa medio di akshonan abusivo no-demokratiko a deroka e e gobiernu legitimo elegi I a depriva e suidadonan di Statia di nan derechonan demokratiko humano dor di blokia e elekshon liber ku tabata programma.

E partido politiko MPB ku a kampanja intensivamente I publikamente den referendum 2015 pa vota-Si I a perde e referendum ku 2649 voto-Si, a krese awor ku 927 voto mas den e elekshon meramente di imigrantenan Hulandes-Oropeo, ku a vota pa mantene e struktura aki, I a gana e elekshon di 2019, pero lo keda ta kontra di e pueblo Boneriano ku a rechaza e aktual struktura den e referendum di 2015. E resultado aki ta evidente pasobra desde 2015 e populashon a sigui ku un kresementu di immigrashon di mas ku 400% den su mayoria di Hulandes-Oropeo ku e derecho di vota den 90 dia ku nan ta residensia na Bonaire. E realidat kruel I hecho ta ku e pueblo Boneriano ta wordu desplaza I ta konfrontando un in-evitabel proseso di limpiesa etniko I a wordu redusi komo grupo menoria riba nos mes isla.  

Un revolushon a wordu inisia dor di yamada di NKBB pa boykot I protesta kontra e systema politiko ku ta illegal I un obvio struktura kolonial. Esaki a gara henter e liderazgo lokal ku ahinda ta kere den e systema kaminda nan no tin poder I ku e gobierno Hulandes na Den Haag ta goberna I disidi, a wordu di challenge den nan kreyensianan fundamental, I a lanta kontra NKBB. E mashin di propaganda Hulandes a mobilisa intensivamente pa kontra-aresta e posibilidat ku e pueblo lo protesta I no bai vota. RCN, Kamara di Komersio, gruponan elitario I di serviso a uni, prensa I media Hulandes a konspira I intimida prensa lokal pa boykot I stop NKBB kobertura den media Hulandes I lokal, idolonan popular Boneriano a wordu mal-usa pa promove bai vota ets. E gezaghebber, Sr. Rijna, ku no ta wordu elegi pero apunta pa representa Rey I Reino su interesnan, a wordu usa komo un sorto di maskota prinsipal, tabata kasi tur dia den media, pa hasi yamada riba e pueblo pa hasi uso di nan derecho sagrado pa bai-vota. Hipokresia na e nivel di mas haltu pa obliga e pueblo pa bai-vota den un systema ku a destroza I viola tur nan derechonan sagrado fundamental humano, demokratiko I di outodeterminashon. Riba dia di elekshon manera nunka antes den nos historia, un kampanja di henter dia largu, asta di nos islanan hermano, enkabesa pa gezaghebber yamando riba e pueblo pa bai-vota. A pesar di tur e propaganda pa promove un demokraisa fake o falsu I no-eksistente, un votamentu den un kolonia goberna pa Hulandesnan, e pueblo Boneriano a para fuerte , I a demonstra ku nan lo lucha te ku final pa nan isla I a derota tur e podernan di manipulashon. Tur elekshonan anterior e partisipashon na elekshonan tabata riba 80%, awor esaki tabata alrededor di 60% I dedusiendo tur e Hulandesnan Oropeo I imigratenan loyalista I mersenarionan nos por establese ku seguridat ku e partisipashon tabata bao di 50% Ku e resultado aki e pueblo Boneriano a reskata I re-establese su dignidat bek. E speransa ta bibu I a rekupera  mas forsa nobo I nos ta urgi e pueblo pa uni I sostene NKBB su trajektoria pa pone Bonaire bek riba lista di Nashonan Uni pa hanja komunidat internashonal involvi pa rekupera nos derechonan, I pa nos ta mes liber I mes