Cu un maleta di harimento a yega Aruba e actornan di e comedia Chopochopo, for di nos hermana isla Corsou.
Pa esnan cu ta gusta comedia, mas ainda comedia di actornan di Corsou, e dia a yega pa bo hari. Chopochopo su elenco a yega Aruba diamars den oranan di merdia bon prepara pa un show bon hinca den otro manera ta custumbra caba di nan.
E dushi di e comedia di Corsou ta cu nan ta presenta jokenan di Aruba, manera e atraco cometi cu scopet di awa y mas ultimo awo con henter elenco di Chopochopo mester a sinta warda un delegacion di Gobierno di Aruba cu ta celebra y a pone tur e otro pasaheronan sinta warda nan. Pero den forma di hilaridad.
Tin hopi mas cos interesante den e comedia aki cu e actornan a priminti di ta hopi varia. E prome presentacionnan ta riba 3 y 4 di juli den Cas di Cultura. Esnan interesa core y cumpra bo entrada na Citgo Blvd y Citgo Essoville. Normalmente no ta keda carchi pa cumpra na porta, pasobra comediantenan di Corsou ta conoci pa pone e publico hari for di momento cu nan drenta sala te ora cu nan despedi.
