Ewald Biemans a ricibi e honor internacional pa hospitalidad di luho na Londres, mientras e resort prestigioso y romantico di Aruba ta drenta un era nobo di luho, bienestar y excelencia culinario.
Bucuti & Tara Beach Resort, e resort di luho na Aruba exclusivo pa adultonan y reconoci internacionalmente, a gana e premio pa Miho Servicio na Norte America (Merca y Caribe) den e Condé Nast Johansens Awards for Excellence 2027, agregando un otro distincion prestigioso na su reputacion di hopi aña pa hospitalidad excepcional, escapada romantico y luho personalisa.
Fundado y Doño Ewald Biemans, kende ta un Ridder in de Orde van Oranje-Nassau, a ricibi e premio personalmente na nomber di e resort durante e ceremonia di 2 di november na Montcalm Mayfair na Londres, Inglatera, caminda hoteleronan distingui y lidernan di e industria a reuni pa celebra excelencia den turismo di luho.
E Condé Nast Johansens Awards for Excellence ta entre e distincionnan internacional mas respeta di e industria di hospitalidad di luho, honrando hotelnan, resortnan y spanan excepcional cu ta forma parti di su coleccion mundial cuidadosamente selecciona. E ganadornan ta wordo eligi mediante un proceso cu ta combina opinionnan di huespednan, votacion online y evaluacionnan di expertonan cu amplio experiencia den hospitalidad. E premionan ta reconoce establecimentonan cu ta ofrece constantemente servicio sobresaliente, calidad y experiencianan memorabel pa huespednan.
Pa Bucuti & Tara, e reconocemento ta celebra tanto un legado extraordinario di hospitalidad romantico como un capitulo nobo di inversion y innovacion bou di liderazgo di Directora General, Crescenzia Biemans, nieta di e fundador visionario di e resort.
Un legado premia di romance y luho
Situa na e famoso Eagle Beach di Aruba, Bucuti & Tara a establece su mes como un di e destinacionnan mas aclama na mundo pa parehanan cu ta busca romance, descanso y tempo di calidad hunto.
Su impresionante coleccion di galardonnan internacional ta inclui e premionan Travelers’ Choice di Tripadvisor, cu Bucuti & Tara actualmente na e posicion No. 1 den Caribe y No. 8 na mundo; nuebe aña consecutivo di reconocemento den e prestigioso Readers’ Choice Awards di Condé Nast Traveler; y distincionnan di e World’s Best Awards di Travel + Leisure y Forbes Travel Guide.
Cu su ambiente intimo y exclusivo pa adultonan, su servicio personalisa excepcional, su entorno trankil dilanti lama y su atencion pa cada detaye, Bucuti & Tara a bira un refugio hopi solicita pa luna di miel, aniversario di casamento, escapada romantico y parehanan cu simplemente kier conecta di nobo cu otro.
“Nos ta sinti nos profundamente honra di ricibi e reconocemento aki di Condé Nast Johansens,” Ewald Biemans a bisa. “E premio aki ta un tributo na nos team extraordinario, cu su atencion sincero y dedicacion ta haci e experiencia di cada huesped special. Nos vision semper tabata pa crea un refugio bunita y trankil caminda parehanan por conecta di nobo, celebra nan relacion y disfruta di lo miho cu Aruba tin di ofrece. Ta particularmente gratificante pa mira con e proximo generacion ta sigui cu e vision aki, mientras nos ta sigui inverti den experiencianan excepcional pa nos huespednan.”
Un generacion nobo ta eleva e experiencia di huesped
E exito remarcabel di e resort a wordo construi riba e vision y spirito pionero di Ewald Biemans, kende su compromiso cu hospitalidad personalisa, responsabilidad ambiental y innovacion continuo a yuda establece Bucuti & Tara como un lider den turismo di luho den Caribe.
Awe, e legado aki ta continua bou di liderazgo di su nieta, Directora General Crescenzia Biemans, cu ta dirigi inversionnan significativo pa eleva ainda mas e reconoci experiencia di huespednan, mientras ta preserva e ambiente intimo y romantico cu a bira e sello distintivo di e resort.
Entre e upgradenan mas notabel ta e renobacion y modernisacion integral di e alohamentonan di e resort, cu ta trece un diseño contemporaneo renoba, mas comodidad y detaye nobo cuidadosamente pensa pa su cambernan luhoso y enfoca riba bienestar di e huespednan.
E resort a amplia tambe su oferta culinario cu e introduccion di Terra by Jeremy Ford, treciendo un dimension nobo y emocionante na e experiencia di Bucuti & Tara. E restaurant, asocia cu e chef aclama Jeremy Ford, ta ofrece esnan cu ta aprecia bon cuminda y tin exigencianan halto un experiencia gastronomico di alto nivel. Esaki ta complementa e reputacion di e resort pa hospitalidad excepcional y escapada romantico dilanti lama.
Bienestar ta un otro pilar di e evolucion aki, cu Bucuti & Tara aspirando pa bira e principal destinacion di Caribe pa retiro romantico di bienestar. Su programa amplia ta ofrece te cinco actividad pa dia, incluyendo yoga, meditacion y ehercicio fisico, complementa cu guia personalisa di un Wellness Concierge dedica. Huespednan por combina renovacion, descanso y tempo di calidad hunto durante nan escapada di luho. Hunto, e inversionnan aki ta representa un evolucion cuidadosamente pensa di e experiencia di Bucuti & Tara. Nan ta combina e calidadnan duradero cu a gana lealtad di huespednan durante decada cu un vision fresco pa e futuro di luho romantico.
Un legado visionario di hospitalidad responsabel
Ewald Biemans su vision di luho den harmonia cu responsabilidad ambiental a yuda haci Bucuti & Tara e prome resort den Caribe cu certificacion CarbonNeutral® na 2018. E vision aki a ricibi reconocemento internacional, incluyendo e Premio di Accion Climatico Global di Nacionnan Uni.
Na april 2026, Biemans a wordo nombra Ridder den e Orde di Oranje-Nassau, un condecoracion real otorga door di Su Mahestad Rey Willem-Alexander di Hulanda pa su contribucionnan na Aruba, turismo sostenibel y comunidad.
Tocante Bucuti & Tara Beach Resort
Localisa na e famoso Eagle Beach di Aruba, Bucuti & Tara Beach Resort ta un refugio di luho exclusivo pa adultonan, reconoci internacionalmente y specialisa den romance, bienestar y hospitalidad personalisa. Reconoci entre e miho resortnan na mundo mediante numeroso premio internacional prestigioso, Bucuti & Tara ta ofrece un santuario intimo dilanti lama caminda parehanan por conecta di nobo, descansa y renoba nan mes. Su gastronomia excepcional, su programa amplio di bienestar, su servicio dedica y su ambiente trankil ta complementa su liderazgo di hopi aña den turismo responsabel. Na 2018, Bucuti & Tara a bira e prome resort den Caribe cu certificacion CarbonNeutral®.
Pa mas informacion, bishita www.bucuti.com.
Tocante Condé Nast Johansens
Condé Nast Johansens ta un coleccion internacionalmente respeta di hotelnan di luho, resortnan, spanan y establecimentonan exclusivo, cu mas cu cuater decada di experiencia den identifica y recomenda experiencianan excepcional di hospitalidad. E establecimentonan ta wordo selecciona y evalua regularmente door di profesionalnan cu amplio experiencia den hospitalidad. Su Awards for Excellence anual ta reconoce logronan sobresaliente den hospitalidad di luho, servicio excepcional y experiencianan memorabel pa huespednan.
Pa mas informacion, bishita www.johansens.com.
