Mañan 10 di juni e comunidad Portugues ta celebra Dia di Portugal. Lourdes Maduro Salao ta vice-presidente di Fundacion Social Cultural Portugues y e ta conta cu e aña aki si e fundacion ta hacie posibel pa bolbe organisa un evento. Debi na pandemia, tabata dificil pa a organisa un evento aña pasa.
Normalmente sa tin un ceremonia special riba Wilhelmina Park caminda ta declama un poco di nan cultura den presencia di e colonia Portugues y mandatarionan.
E aña aki nan lo tene un misa den presencia di e colonia, caminda lo canta y resa completamente den nan idioma. E ceremonia ta inicia pa 6:30 pm na Misa Fatima den Dakota. Nan ta invita henter e colonia Portugues pa ta presente p’asina biba e momento asina importante aki.
