Colegio San Augustin e aña aki ta celebra su 75 aña di existencia. E ta un scol funda na 1947 y a cuminsa como un scol pa solamente bou di mucha homber.
Despues poco poco el a bira den loke el a desaroya den loke e ta awe. Director di Colegio San Augustin, Jeffrey Kelly, a conta cu nan prome director tabata meneer Peterson y tabata tin varios director y adjunct director cu a nifica hopi pa e scol.
Nan ta un scol chikito, pero cu hopi cariño y cu hopi amor, cu a sa di brinda enseñansa na e muchanan di no solamente e comunidad di San Nicolas, pero na e comunidad completo di Aruba.
Diaranson a celebra esaki hunto cu Minister di Enseñansa y tambe e ex-directornan presente. Tabata tin dos ex-director presente. Hunto cu e team di Colegio San Augustin, hunto cu e muchanan, tabata un bunita ocasion pa celebra 75 aña.
Tambe Kelly a manda un palabra di pabien na tur su coleganan, e alumno- y mayornan, unda cu a celebra 75 aña den grandi.
Otro aña Colegio San Augustin lo manda un reina stadion pa competi den e eleccion di Reina Hubenil di Aruba su carnaval y tambe pa Reina di Carnaval.
Pa loke ta digitalisacion, esaki ta hunga un rol importante den e mundo educativo. Esaki ta haci cu mester enfoca un poco mas profundo den digitalisacion pa e alumnonan, pa nan ta mas miho prepara pa ora di caba MAVO y nan bay HAVO/EPI. Tur esaki ta forma parti di e innovacion den enseñansa, cu ta haci cu mester cambia e sistema di duna les y cu mester bay hunto cu e tecnologia di awendia.
Tur esakinan ta retonan grandi cu tin den enseñansa, cu tin hopi reto. Pero e maestronan ta sigui brinda esaki cu hopi cariño y amor.
Colegio San Augustin tin un total di 181 alumno.
