Sindicato SEPPA tabatin un reunion diahuebs atardi cu minister Ursell Arends pa haya claridad riba e empleadonan di dump na Parkietenbos kico lo bay bira nan funcion entrante prome di januari 2023.
Segun Edmundo Marlin, kende ta secretario di organisacion di SEPPA, diahuebs atardi durante e reunion, e mandatario a laga sa cu SEPPA lo bay haya un draft dia 21 di december kico lo bay bira e funcion p’e trahadonan cu ta trahando na dump.
E parti cu e sindicato a mustra minister riba dje, p’e comunidad, unda e sushi tin di bay. A splica e mandatario cu si e comunidad no ta na altura unda e sushi tin di bay, nan ta bay aparece na dump y e ora ey e trahado, cu no tin e informacion unda e sushi tin di bay.
No lo por bisa e cliente cu ta uno di dump, unda e sushi lo tin di bay. E minister a sigura e sindicato cu prome cu fin di aña, tur hende lo bay haya sa precies unda e sushi cu tabata bay riba dump, cu no ta sushi di cas, lo bay y na cua compania.
Pa SEPPA ta importante e trahado sa precies kico e ta bay bira su funcion of su tarea nobo entrante prome di januari y cu comunidad ta na altura cu e sushi no lo drenta dump mas, unda e ta bay.
P’e trahadonan di dump y SEPPA mester tin claridad pa nan. E minister a laga sa cu ningun trahado lo bay cas, cual p’e sindicato ta importante. Pero loke ta mas importante pa sa, mirando cu nan tabatin un funcion tempo cu dump tabata habri, nan tabatin un cu nan mester a eherce.
