Pa loke ta trata e maneho financiero PWC Nederland a haci seis doorlichting di e companianan estatal, di cual dos di nan ta cay bou dje mandato di Minister di Transporte, Integridad, Naturalesa y Asuntonan di Adulto Mayor. Ta trata di Serlimar y Arubus.
Minister di Transporte, Integridad, Naturalesa y Asuntonan di Adulto Mayor, Ursell Arends, a splica cu na momento cu e haya e resultadonan, e lo tin un miho bista con e maneho financiero ta tuma luga den e compania. E mandatario no kier specula, no kier husga ningun hende, pero e kier tin dato concreto dilanti dje. Asina ey e lo por duna un opinion valido riba e puntonan aki.
E mandatario ta sinti fo’i e trahadonan cu constantemente mesun puntonan ta bin dilanti. Tambe nan ta preocupa con e director ta maneha e compania. Segun Arends, esey ta algo cu ya caba a papia cu Raad riba dje y gerencia tambe. Ta spera cu por bin cambio. E ta spera cu na momento di tin tur documentacion di doorlichting, e mandatario lo tin informacion concreto pa por duna un miho contesta.
