Diabierna 8 y diasabra 9 di Juni lo ta colectando firma dilanti di e edificio di ex-DTI, futuro zona di reciclahe. Diabierna, pa 4’or di atardi, e colecta di firma a cuminsa for di tur ciudadano biba na Pos Chikito.
Esaki en conexion cu e proyecto cu Gobierno kier bin cun’e pa pone un centro di recicla sushi den e edificio aki. Esaki sigur no a cay den bon tera y a trece e preocupacion cerca e habitantenan di Pos Chikito. E colecta di firma ta sigui awe diasabra pa 10’or di mainta, pa demostra gobierno e inkietud di cada habitante den e bario.
