Aruba Symphony Festival no ta solamente Beethoven, Brahms y Bach. E ta musica di tur genero, musica di tur epoca y pa hendenan di tur edad; musica di tur pais y instrumento musical, toca pa musiconan bon prepara. E “jam session” di awe nochi ta prueba.
Cafe Casibari no ta Carnegie Hall, y e ta leu di ta un Cas di Cultura. Café Casibari ta un lugar den cunucu caminda amigonan ta topa y relaha, djis pafo di e barancanan di Casibari, casi den sombra di Hooiberg. Aruba Symphony Festival a scoge pa tene un concierto aya pa mustra cu nos NO ta loke hopi hende ta kere di nos. Nos musiconan, mescos cu tur hende, tambe ta gusta un anochi di toca den un ambiente relaha y Aruba Symphony Festival ta coopera cu nan. Nos ta invita e publico, turista y local, pa join nos aya. Lo ta un anochi placentero yena cu bon musica. Entrada ta gratis y lo tin asiento pa mas di 300 hende. E area pa parkeer ta grandi y gratis. Mi ta spera bo comentario na [email protected].
