Pro Juventud Savanah a tene un hersengymnastiek den bario di Sabana Liber, cu meta pa lanta e club bek. Entre 3 dama kendenan ta Glenda Gil, Edna Zievinger y Julie Geerman.
Julie Geerman a comenta cu den pasado e tabata tey caba, pero despues nan a stop. Pero entre tres dama, ya menciona caba, a cuminsa prome cu actividad pa 60+, unda cu nan ta atende cu 40 miembro cu ta bin 1 biaha pa luna, caminda cu ta tene nan bezig pa 4 ora largo.
Despues a bin cu trahamento di fli pa muchanan di 5 pa 15 aña. Despues a tene un otro actividad pa e muchanan un biaha mas, unda cu a dicidi di traha cupcake of bolo chikito.
Despues a dicidi di bin cu Hersengymnastiek pa tanto mucha y hende grandi pa trece e bario hunto atrobe, cual a logra tambe.
A haya di diferente bario, pero mayoria ta di Sabana Liber. Pro Juventud Savanah ta hopi contento cu e actividad y segun Werleman lo bay ripiti bek, pasobra tin mas grupo cu kier a bin, pero a acepta solamente 12 mesa. E actividad tabata un exito. Pa un proximo biaha, ta bay aumenta e cantidad di mesa.
Segun Werleman, sigur cu ta bay tin mas actividad. Plannan ta grandi. Tin hopi plan di kico nan kier haci pa Sabana Liber. Tin nan por escrito, pero awo tin cu ehecuta, cual ta tuma tempo. Mester di mas boluntario. Kier envolve e hubentud mas cu e club. Y tin hopi den mente riba actividadnan pa e muchanan chikito tambe. Esey ta loke mas nan ta enfoca riba dje.
Ta haci un invitacion na e habitantenan di Sabana Liber, pa tuma contacto sea Glenda Gil, Julie Geerman of Edna Zievinger, y bira miembro.
Por yama Julie Geerman na 5875724 of 5937238. Di Edna Zievinger ta 5687103.
E resultado:
Pa loke ta e anochi di e Hersengymnastiek e ganadornan ta Scucha bon contesta malo.
Na di dos luga tin Grupo Crioyo. Na di tres luga ta Grupo di Titi esta Nos cu Nos.
E inicio
Pro Juventud Savannah a lanta riba riba dia 30 di maart 1977 como un grupo di famia consistiendo di Teo Gil, Buti Gil, Titi Tromp, Chita Thode, Chonchon Tromp, Chin Tromp, Mariano Tromp, Turpin, Meechi, Tommy. A funda e organisacion aki na notario Lacle. Ta gradicido na esnan cu a yuda lanta e organisacion. “Savannah ta di Sabana Liber, nos dushi Bario.”
