Un di e paradanan anual mas grandi di Europa, esta e Gay Parade, a cuminsa den e canalnan di Amsterdam diasabra, cu mas di 500 mil bishitante rond mundo pa asina presencia por lo menos 80 boto, representando un variedad amplio di organisacion di e comunidad LGBTQ.
“Corda e pasado, crea e futuro” tabata e tema di e aña aki, mientras cu e parada ta conmemora e di 50 aniversario di e asina yama Stonewall riots.
E serie di demostracionnan, hopi biaha violento door di e comunidad gay den e zomer di 1969, cu a tuma luga despues cu polis a invadi Stonewall Inn, un bar gay na Greenwich Village, New York, a observa como un momento crucial den e historia di e movemento LGBT.
Desde su comienso na 1996, e Amsterdam Canal Pride Parade, rapidamente a crece den un di e eventonan anual mas grandi den capital Hulandes.
Su popularidad a forsa e organisadornan pa bira mas estricto durante e añanan, prohibiendo botonan priva for di e canal durante e parada, cu excepcion si nan a paga pa un ticket special prohibiendo e mironnan di bin cu nan propio sound system na e fiesta.
“Considerando e otro añanan, reglanan ta hopi mas estricto e aña aki. Musica demasiado duro no ta permiti, tampoco bailamento floho. Pero nos ta haci nos mesun fiesta,” un di e participantenan a bisa.
Pero bishitantenan a bisa cu e evento lo keda significativo pa nan. “Tur aña mi mama ta traha bistinan espectacular p’ami. Tur aña nos ta bay Amsterdam pa sostene tur hende” Maartje Bruens, un bishitante di Zandvoort a bisa. “Love is Love.”
Y nos no mester bishita nos Arubianonan kendenan tambe ta bay wak e evento aki, demostrando asina nan sosten na e comunidad LGBT. Den pasado tabata tin varios di nos locanan cu a sa di participa na e canal parade aki, y ganando premio tambe pa nan boto tremendamente acaba. Fuera di Zomercarnaval, Amsterdam Canal Pride Parade, ta esun di mas bishita, cu demostrando asina e botonan di mas bunita acaba y cu un ambiente tremendo.
