Un ciudadano di Santa Cruz ta rabia despues di a lesa e carta cu el a ricibi di BID. Aki a inform’e cu e no por haya e tereno cu el a pidi. Esaki ta bin pa motibo cu e tereno pidi ta groen gebied.
Braynsly Emerenciana semper ta un persona cu a vocifera pa partido MEP. Emerencia a vota pa partido MEP y a campaña pa Dangui Oduber, pero te aki e ta yega cu e partido. El a splica di a pidi un tereno na 2016, unda el a traha su carta dedica na ex-minister Benny Sevinger.
Den e carta el a splica e motibo cu e tabata pidi e tereno banda di esun di su mayornan. Riba e peticion cu el a haci den e carta, e ex-mandatario a otorg’e e tereno. Den e carta el a splica cu su mayornan ta grandi y e tabata pidi pa tabata cerca di nan. Tambe e tempo ey e tabatin dos yiu y tabata kier p’e muchanan ta cerca di e welonan.
Sevinger a firma Emerenciana su peticion sin mira color politico. E kiermen cu Sevinger tabata sa ken e ta y di a vocifera su voto, pa ken el a campaña semper. Su persona semper a duna sosten na MEP, campaña pa Dangui Odubrer.
Como ciudadano e tin derecho na pidi un tereno, cual a otorg’e. E tereno tabata midi cu su nomber riba dje. Na momento cu gobierno a cambia, esta a bin POR-MEP-RED, su mesun gobierno a bis’e p’e warda. Nan a bisa di bay dun’e, pasobra e tempo ey nan no tabata kier pa AVP dun’e e tereno. El a elogia Sevinger cu a haci lo maximo, mirando cu el a mira e bandera di Aruba y no color politico.
Despues di a papia cu ne, pidiendo p’e warda pasobra nan ta bay haci manera cu MEP a dun’e. Comienso di siman el a haya un carta bisando cu e no por haya e tereno pasobra e ta groen gebied.
Pa mas lesa TREMPAN.COM
