E ciudadano Jose Martes ta exigi mas respet di instancianan concerni, specialmente Cuerpo Policial. El a splica di a yama warda di polis Shaba pa number di DVG y a ricibi un bon trato, unda a bis’e pa yama warda di polis di Playa. E ciudadano kier sa kico e mester haci pa haya yudansa cu nan mester.
Pero na warda di polis na Plata, un persona masculino a contesta y e no tabata na un manera adecua. Segun Martes, si nan kier respet, nan tambe mester duna respet. E tabata kier a haya sa cu ken e ta papia di warda di Playa, pero no a haya esaki y ta di pensamento cu polis tin derecho di bisa su nomber.
Un biaha mas el a yama polis di Shaba y aki nan a bis’e pa yama 911, unda a dun’e number di 166. El a yama e number ey y henter mainta e tabata bezet. E ta kere cu esey no por y ta puntra con nan kier pa evita cosnan aki. Tambe el a trece dilanti cu dokternan ta trata hende manera cacho y cosnan no mester ta asina. E instancianan concerni mester tuma carta di e situacion aki, pero nan ta coy Coronavirus y haci negoshi cu ne.
