Den oranan di marduga durante Toque de Queda hobennan tambe a Sali caya pa busca cos di horta. Den e area di Hooiberg Kavel e hobennan tabata move y a horta tambe.
Polisnan di Santa Cruz a bay na e sitio y ta topa cu dos na prome instante. Bisiñanan a yama pasobra tin cinco hoben cargando cosnan cu nan lo a horta y moviendo masha sospechoso. Ora Polis a topa cu e dosnan, nan a purba core. A logra gara uno y despues gara otro mas. Mas unidad a yega na e sitio y asina a logra busca pa e otronan. A logra haya dos mas y detenenan tambe.
Djey den un buskeda mas a logra gara e di cinco. A topa tambe tapanan di wiel di auto cu a ser kita. A hiba tur cinco warda di Santa Cruz pendiente investigacion. Esaki a pasa den careda di 2:30 di marduga.
