Segun resumen di awe diescinco persona a recupera y un total di cinco caso nobo di COVID-19 a keda registra di cual uno ta no-residente. E cifranan aki ta representa un ‘Positivity rate’ bou di nos residentenan di 7%.
Cantidad di caso activo di COVID-19 pa awe ta 137 y e cantidad di fayecidonan relaciona cu COVID-19 ta 172. Dato ta ilustra casonan nobo di COVID cu un averahe semanal di diesun caso pa dia y un averahe di ‘positivity rate’ semanal di 9% pa dia.
Actualmente na Aruba tin nuebe persona interna debi na COVID di cual den ICU tin dos persona, riba piso general tin shete persona y na Colombia tin actualmente dies persona den ICU y dos riba piso general.