Diabierna atardi a drenta cifra pa locual ta trata situacion di Covid-19 riba nos isla. Awe a registra un total di 43 caso nobo (19% “positive rate”) cu ta indica cu e cifra ta keda baha tur dia. Di e cifra aki tur ta residente.
Tambe por a tuma nota cu 89 persona mas a recupera cu ta pone cu awo tin e total di activonan a baha cu 46 persona y ta yega na un total di 1021 caso activo pa awe.
Testnan haci ta 317, cual 229 ta testnan haci bou di residentenan na laboratorio di hospital. Caso di fayecimento relata na Covid-19 ta keda mescos na e mes un cifra di 25 persona cu a perde nan bataya.
Hospital ta informa cu tin un total di 37 persona interna di cual 12 ta den cuido intensivo y 25 ta isola riba piso general.
