Minister Arthur Dowers a splica durante entrevista, cu ora a lanta e organisacion IASA, e tempo ey a scoge pa pone un organisacion cu ta traha na aeropuerto, e organisacion cu nan a yama Warda nos Costa y tambe tabata tin 911. E tempo ey a bin cu radar, etc. y hopi lihe despues nan a kita e parti di radar, bao di instruccion di Hulanda, pasobra e cos aki no a wordo bon haci. E tempo eynan e minister di husticia Croes a firma pa radar wordo kita for di pais Aruba. Despues a resta solamente dos organisacion.
A firma hasta e tempo ey pa incorpora Warda nos Costa den Cuerpo Policial. A haci esaki tambe pa e maneho di partido MEP. Sinembargo pa eficiencia di e organisacion aki y pa duna KPA pa duna e posibilidad pa nan concentra riba nan tareanan primario cual ta orden publico y siguridad, a dicidi toch cu lo pone e parti di vreemdelingentoezicht bao di imigracion. E organisacion aki ta traha mas complementa na otro y tambe por sostene otro. Ningun hende cu ta traha na e organisacion aki tin e obligacion pa bay traha na e otro, pero si despues si duna e entrenamento necesario cu un persona cu ta traha paden, cu kier coopera pafo, por haya e chens den futuro y vice versa. E focus awor aki ta pa e dos organisacionnan aki wordo bon maneha. Tin un solo hefe awor aki. Antes tabata tin extra hefe. A kita un posicion di un hefe, pasobra no tin mester di un director mas di e overkoepelend organ cu ta yama IASA. Awor aki ta un solo organisacion cu un hefe y na cada departamento lo bay tin e hoofden, caminda tin e director y despues e managernan cu ta maneha e parti operacional di e departamento.
Esaki ta fortifica e aspecto di maneho operacional y tambe e lo fortifica e aspecto di maneho. Ta importante pa den futuro pone acerca esnan cu ta sostene pa loke ta e aspecto di maneho di vreemdelingen toezicht y beleid y tambe ta asina cu ta haya sumamente importante, pa den cuadro di e profesionalisacion di e organisacion aki tambe por pone e departamento cu ta tene su mes bezig cu inteligencia y informacion y ta comparti esaki den e fusion center cu e otro departamento tambe na e departamento aki tambe, cu lo forma parti di e organisacion di imigracion. Nan por traha tanto na grens como na vreemdelingen toezicht riba caya, segun minister Dowers.
Ken lo bay join
Kustwacht ta responsabel pa controla costa. Esey ta un palabracion haci hopi aña pasa door di tur e paisnan den reino, caminda cu a scoge pa bin cu un organisacion di Kustwacht di Caribe. E ta funcionando den un forma optimal. Lamentablemente no tur ora a crece manera cu nos lo a desea di pais Aruba. A debati hopi biaha cu Hulanda. Lo tabata mas miho si a agrega cierto facilidadnan na e departamentonan aki pa por ainda optimalisa e funcionamento. Sinembargo e cooperacion cu tin awor aki entre kustwacht y polis ta haci cu por ta presente 24 ora na frontera y ta evalua e posibilidad tambe cu pa futuro agrega algun persona cu tin un entrenamento special na Warda nos Costa cu nan tambe por coopera na e trabao di frontera. Awor aki e concentracion ta riba cuerpo policial y kustwacht y nan ta dunanco bon resultado. Retonan ta hopi grandi si. Awor aki ta wardando e oferta pa adkiri un otro radar pa asina pa e parti tecnologico tin nos frontera ainda mas miho controla, segun minister Dowers.
