Sharin Luydens, directora di Censo, a splica cu e derecho cu e hende tin, cu si e haci fout e prome biaha, e por sali for di e stemhok y duna e presidente e stembiljet bek, pa e presidente haci esaki onbruikbaar, e ora bo ta haya un otro stembiljet pa bo por drenta e stemhok atrobe y vota. Un biaha so e por sosode. Un biaha so bo mag di haci e fout.
Tin hopi pregunta si kico ta sosode si keda sin bay vota. Si bo keda sin bay vota, esaki ta haci e porcentahe di e turnout, esta e hendenan cu tabata tin derecho di vota, cu no a bay vota, e ta bira menos. Mas hende bay vota, e porcentahe di e hendenan cu tin derecho di voto cu a aparece, ta mas halto. E ta mustra e democracia cu ta biba den bo pais. Aruba ta un di e paisnan cu tin un turnout sumamente halto.
Kico ta pasa ora cu e voto ta invalido of laga voto blanco?
Esaki ta trece cun’e cu b’a bin vota toch. Bo ta conta cu bo tabata presente. Pero e no ta conta pa e kiesdeler. Mas voto invalido tin, menos e kiesdeler ta.
Opschoning
E opschoning tabata tin hopi efecto. Por mira cu den eleccionnan desde 1994/1997/2001, 2005, semper e kiezersregister tabata subi cu aproximadamente cu 4000 persona. 4000 persona cu ta bin acerca cu tin derecho di voto. E aña aki a haya un subida di solamente 1900. E ta remarcabel, segun Luydens. Tambe ta wak’e na e carchinan cu ta bin bek. E efecto cu e opschoning tabata tin tabata beneficioso. Pero mester corda cu e opschoning aki, berdad tabata tin un proyecto grandi, pero e ta un opschoning cu ta bin desde 2009/2010, bin ariba. Ta un proceso di añanan largo y e proyecto di opschoning acerca ta un contribucion. Pero e ta un proceso dinamico. E ta un proceso cu no ta para. E ta un proceso constantemente di tur dia di trabao. Bo no por bisa awe, cu a haci un opschonings project, y a keda cla. E ta un proceso dinamico.
Proceso di uitschrijving
E proceso, manera menciona, ta di añas, hunto cu e proceso di opschoning. A schrijfuit, 363 persona cu tabata inscribi pa hopi aña, tanto na Aruba como na Hulanda. Eseynan tambe, si no a haci e tarea eynan, nan lo a haya carchi di voto. Apesar di esey, tabata tin otro Hulandesnan mas den e proceso di opschoning, cu a wordo uitgeschreven. Ainda, den e proceso di opschoning a keda 1500 Hulandes cu mester a haci mas investigacion riba dje, pero no a bay over na uitschrijving ainda, mirando cu eleccion tabata den porta. Y ta un proceso pisa pa schrijfuit 1500, siendo cu tabata falta un tiki mas investigacion. Esey ta decisionnan cu a wordo tuma y decisionnan responsabel. Esey no ta nifica cu e proceso a caba, pasobra ta bay sigui.
Un porcentahe tin cu check si nan ta na Aruba. Tin studiantenan tambe cu ta bay biba na Merca, na Costa Rica, na diferente parti cu ta kere cu nan no mester di schrijfuit, siendo cu nan tin cu schrijfuit.
Attachments area
