Riba pleno Bierna Santo pa 6:00 pm a sosode un accidente riba J.E. Irausquin Boulevard net dilanti Aruba Marriott Resort & Casino. Un ciclista a dal tras di un pickup y a resulta herida.
Ta dos amigo ciclista a sali di merdia caba for di Santa Cruz pa un trayecto di 50 kilometer. Nan ta pasa via Noord y ora a yega na altura di Marriott direccion Oranjestad, a bin topa cu contratiempo.
Un pickup marca Ford modelo Ranger color di oro, numera A-51588 a pasa e dos bicicletanan y net nan dilanti a baha caminda. Un di e ciclistanan a grita e otro pa watchout, pero no a logra haya atencion di su colega, cu a pega tras di e vehiculo.
Polis a presenta pa cera e caminda y desvia trafico, mientras cu un unidad di ambulance a yega mesora. Paramediconan a trata r ciclista na e sitio mes, kende tabata sinti dolor na varios parti di su curpa.
Un amigo ciclista cu a pasa a indica cu autonan sa tene poco cuenta cu e bicicletanan. Precisamente awe, como cu ta un dia liber, hopi ciclista a opta pa subi nan bais pa sea train of keiro rond di nos isla. Ta pidi automobilistanan pa tene cuenta cu hunto nan ta participa den trafico.
