CIBC FirstCaribbean ta organisa su segundo “Full Moon Walk” e biaha aki na Sanicolaas riba diasabra 12 di october 2019.Esaki ta un caminata riba e ruta di Anker na Sanicolaas, cual ta cuminsa 7:00 pm y lo terminapa 10:00 pm.
E caminata tin diferente obhetibo, un dia nan ta pa recauda fondo pa e Stichting BOB Aruba, tambe pa e comunidad di Aruba por comparti como famia pariba di brug disfrutanto di e luna yen cu ta duna un bunita claridad durante e caminata. Na e final di e ruta e participante nan por admira baby beach of rodgers beach.E prijs ta uno di AWG 20,- y e ta inclui un dry fit T-shirt.
CIBC FirstCaribbean y Stichting BOB Aruba ta hopi consciente di nos medio ambiente, pa e motibo aki ta pidi e caminadornan pa trece nan mesun boter y esaki lo por wordo yena na caminda. Tambe door cu e ta den ora di anochi pa cada persona trece un flashlight.
CIBC FirstCaribbean ta localiza na 17 isla rond di Caribe y semper ta cla pa yuda e comunidad unda cunan ta opera. Aki na Aruba a wordo organiza 2 evento grandi durante aña 2019. Señora Jamie Bareno cual ta e representante di e banco ta e Project Manager di e eventonan aki y ta informa cu esaki ta pues e ultimo caminata di aña 2019 den cuadro di e projecto di “ Walk for the cure”.
E banco y Stichting BOBArubata hopi gradici na tur esnan cu a aporta y hasi e evento aki possible cual ta entre otro colega nan di banco como tambe di Stichting BOB Aruba, Korps politie, Ambulance, IBISA Aruba y e grupo di voluntarioaportando na e organisacion di e evento charitativo aki.
Stichting BOB Aruba y su representante Diantha Nuesch kier duna un danki na CIBC FirstCaribbean pa organisa e caminata aki den e area di Sanicolaas. Ta invita e comunidad pa yuda sostene y recauda fondo pa e screeningsprograma pa e damas nan di Aruba. E fondonan ta necesario pa mantencion di tur e aparatura necesario pa e sondeo y tambe pa Stichting BOB por sigui brinda e bon servicio pa communidad.
Pa mas informacion por subi riba Facebook page di CIBC FirstCaribbean y por yama number di tel 522 5600 como tambe por sigi facebook page di Stichting BOB Aruba y por yama nan number di tel 588 1212 pa mas informacion. Lo duna update y informacion tocante benta di tickets pa e caminata. Like & Share e facebook di Stichting BOB Aruba tambe pa asina por gana tickets pa e caminata. E ticketsnan ta disponibel na oficina di IBISA situana Frankrijkstraat 1, Oranjestad, Arubaapartir di 16 di September. Ta invita comunidad pa please anota e fecha den e agenda pa asina por forma parti di e segundo full moon walk cu lo ta pa un hopi bon causa.
