Diahuebs anochi Polis a wordo manda na rotonde di Sero Blanco. A drenta informacion cu tin un accidente. Na yegada a topa cu e auto Kia Picanto A-1761. E chauffeur inicialnan H.F. tabata presente tambe.
E tabata mustra cansa y Polis kier a lage supla. El a mustra Polis cu e no por supla pasobra ta hende cu ta sufri di Asma. Polis a acepta e motibo y el a scapa. Polisnan despues di investigacion a hala e auto pone un banda den vecindario.
E auto tabata tin wheel kibra y tambe daño na e parti dilanti banda di chauffeur. E chauffeur cansa a wordo hiba su cas den patruya di Polis. Su cas ta keda net banda di rotonde di Tanki Leendert.
Ora cu e haya un chens e mester bay busca su auto sea cu takelwagen of cambia e tire pa e por sigui core cune. E borchi a keda dobla na e rotonde di Sero Blanco.
