Homber a cay cu brommer na Paradera

Diabierna pa mas of menos 1:30 di marduga un homber  riba un brommer a perde control y cay dilanti Tinashi Night Club.
El a haya golpi basta duro y mester a solicita presencia di polis y ambulance. Polis y ambulance a presenta na sitio unda paramediconan a controla e motociclista cu golpinan basta fuerte.
Presencia di polis tabata necesario pa sigui guia e trafico mirando cu e brommer y e motociclista tabata benta abou mey mey di caminda ora cu nan a presenta.