Diabierna, un rato prome cu 8’or di mainta, a tuma luga una accidente net prome cu e rotonde di Paradera.
Aki un Mustang color blanco, numbera A-62887 a dal tras di un Chevrolet Aveo numera A-39690 color cora cu tabata biniendo for di MFA Paradera, den direccion di e rotonde.
Daño material ta minimo. Polis di trafico a presenta na e sitio pa asina tuma dato di e sucedido y a bin constata cu e chauffeur di e Mustang no tabata tin e documentonan di e auto na ordo.
Pa colmo su rijbewijs a caduca y riba dje, e tabata bao di influencia di alcohol. Polis a pone beslag riba e auto.
