Fin di siman nos tawata tin e honor di ta presente den e evento Music Exposure di Cas di Cultura. E siman ey tawata beurt di Carlos Bislip y amigo nan musico. For di e prome momento cu e quinteto a start cu nan repertorio, e publico a ser hiba den e ritmo nan di Jazz y musica Latino cu cancion nan di Aruba.
E musico orguyo nan di Aruba tawata Carlos Bislip (drums), Ivan Quandus (baho), Angelo Kock (piano), Denzil Tromp (conga) y Franklin Granadillo (trompet).
Algun cancion presenta tawata “Fiesta den cura” (Lio Booij), “Circunstances” (Angelo Kock), “Unoca Care Jam” (Ivan Quandus) y “sunu y vulnerabel (Carlos Bislip). Na final e publico a brinda e quinteto excelente aki merecidamente un standing ovation.
Tambe Carlos a expresa palabra nan di aprecio pa staf di Cas di Cultura, Semi Chahmy productions y e musico nan unico cu a haci e evento aki posibel
