Diamars mainta pa mas o menos 11:30am bisiñanan di Pos Chikto a yama Polis pa un Hyundai Santa Fe para riba un crusada. Polis a bay controla y aki a topa cu dos homber cu tabata riba un trip. Chauffeur di e Hyundai tabata hopi cansa, bebi y a pega soño tras di stuur na e crusada. Di biaha Polis a purba lanta e chauffeur cu a para su auto memey caminda.
E pasahero masculino tambe tabata lanta, pero cansa. Polis a papia cun’e mientras cu tabata controla e documentonan. Di biaha a pidi pa e dogcatcher pa transporta ambos pa Warda di Polis San Nicolas pa nan por pasa nan wayaba. A kita e yabi for di e auto, unda a purba lanta e chauffeur algun biaha mas.
Na momento cu e dogcatcher a yega a logra lanta e chauffeur for di soño. A rista ambos persona y a presenta nan dilanti Fiscal Auxiliar pa despues nan por a bay sosega. Despues cu nan caba di sosega lo laga ambos homber den libertad. Polis a hala e auto un banda y cer’e na lock.
