Awe tardi laat pa 6:45pm, habitante di un cas na Spaans Lagoen a pasa den un bon susto ora un chauffeur den su auto marca Chevrolet modelo pickup a basha su cura di cas abou. Comosifuera poco, ora e homber a caba di comete e acto, el a start e auto bek y purba huy tambe, lagando e daño atras na e cas. A yama Polis mesora pa bin lihe pa gara e antisocial aki.
E chauffeur sinembargo no a yega mucho leu den su intento pa huy, pasobra el a topa cu Polis riba caminda. A dun’e señal pa e para su auto banda di caminda y a control’e. No tabatin mester di mucho evidencia pa Polis constata cu e tabata burachi, pa cual motibo a deten’e mesora na e sitio mes.
Pero, asina cu a detene, el a haya dolor tur rond di su curpa. Polis a pidi presencia di Ambulance pa por a brinda e homber asistencia medico. A hib’e Hospital pa check si tur cos ta bon cu e body.
