Awe un total di 26 studiante di Aruba a subi KLM rumbo pa Hulanda. Nan lo sigui studia eynan pa e siguiente añanan. E grupo lo yega na Schiphol y for di eynan ta manda nan pa diferente ciudad pa, hunto cu nan mentor, prepara pa drenta nan cambernan, inscribi na scol y cuminsa studia.
Mañan diadomingo lo sali no menos cu 90 studiante mas for di Aruba pa Hulanda. Dialuna ainda tin un grupo grandi saliendo, un otro 90 pasahero. Na tur ta 206 studiante a sali e fin di siman aki pa Hulanda. No ta conoci e comparacion den cantidad di studiante cu a sali e aña aki compara cu añanan pasa. Ta un hecho si cu tur aña e cantidad pa Hulanda ta bahando debi na mas alternativa, manera Canada, Merca y hasta na Aruba mes.
