Diasabra anochi alrededor di 6:40 pm polis a sosode un accidente na Casibari. Aki ta caminda cu un auto marca Hyundai color blanco numera A-13079 a dal contra di un cura di heki, bash’e abou y sigui core. E no a yega mucho leu debi cu e hekinan di hero a keda pega bou di e auto.
El a purba kit’e pero no a logra. Na yegada di polis el a conta cu; e ta preparando pa bay Parada Nacional di Luz y cu el a bebe casi un caha di cerbes caba. Despues di e impacto, el a spante y pishi su curpa.
A deten’e pa stuur auto bou influencia di alcohol. Den un transport’e policial a hib’e pa warda di polis. Na final e lo keda sin wak e Parada Nacional di Luz, un si, lo tin un jump up, pero di sangura den cel.