Tabata algo despues di 6or di mainta ora cu a bin topa cu un Toyota Tercel pa su cuenta y kibra na altura di Rooi Frances. No ta conoci kico por pasa den e incidente aki pero ta parce cu e chauffeur lo mester a perde control y bay pega den un pida sero cu mata. Locual ta straño ta cu number y seguro ta na ordo pero niun hende tabata na sitio pa responsabilisa nan mes. Un ilegal por tabata coriendo e auto aki? Esaki ta preguntanan cu nos no por responde. Seguro concerni a presenta na sitio y lo tuma contacto cu doño di auto.
