Diahuebs madruga den careda di 12.15 habitantenan den area di 88 Foodmart na Santa Cruz a bati alarma pa un auto para memey di caminda ya pa algun rato y no tawata sa si tin hende aden of no.Na momento cu polis a yega a topa cu un Toyota Corolla color di plata numera A-20857. Cautelosamente a bay inspecciona den e vehiculo pero no a topa cu ningun hende den e auto.Un testigo lo a declara cu e wiel a kibra por completo y lora bay den mondi.E chauffeur mes a busca e wiel bek y a jack e auto hisa, probablemente e lo a ripara cu e no por haci nada mas ya cu e wiel a kibra cu e “studs” completo.A opta pa pone e auto riba bloki, e wiel riba e auto y a cana bay bandonando e auto laga. Takelwagen mester a bin pa recoge e auto ya cu e no por a core mas.
