Djadumingu 24 sèptèmber 2017, departamentu di komunikashon i prevenshon di Kuerpo
Polisial Kòrsou a duna un charla na e organisashon ‘Bisiñanan uní ’ (habitantenan di Barber i
bisendario).
E charla aki a tuma lugá den oranan di atardi na e edifisio di Krus Korá na
Barber. Durante di e charla a ki a pone énfasis riba:
1. Prevenshon di ladronisia(ku violensia)
2. Kiebro i ladronisia den kas i den outo
3. Seguridat en general
4. Servisio di polis na Banda Abou
E partisipantenan a hasi hopi pregunta i a hasi palabrashon ku nan riba diferente aspekto di
servisio i seguridat. Kuerpo Polisial ta kontinuá ku e enkuentronan aki den barionan di Kòrsou.
