Mundo henter a ricibi e noticia di un acuerdo strategico entre Iran y Merca cu un rosea di alivio. Sinembargo mi kier enfatisa cu aki no ta trata di un berdadero acuerdo di paz. Esaki ta un MOU entre e dos paisnan pa expande e “tregua” na 60 dia mientras cu ta sigui negocia pa yega na un acuerdo di paz permanente.
Den e MOU aki, Iran y Merca ta declara un “tregua” definitivo mientras cu ta habri e Estrecho di Hormuz pa trafico y liber di cobransa. Tambe Iran lo mester prueba durante di e temporada menciona cu e ta cumpliendo cu su parti di e acuerdo pa en realidad haya e biyonesnan di e pais cu Merca tin ‘freesed’.
Obviamente Donald Trump a benta Nethanyahu bao di bus simplemente pasobra e siguridad nacional di Merca a rekeri esaki. Awor tur hende ta comprende cu di berdad Nethanyahu a lastra Merca den e guera aki cu primeramente ta un guera di siguridad nacional di Israel. Publicamente e Presidente Mericano semper a nenga e ponencia aki.
No tin duda cu companianan di petroleo y e ultraderecha politico Mericano tambe a pusha Trump pa e decision catastrofal aki. Finalmente mester tene cuenta cu e petrodollar cu ta bao di enorme presion tambe a hunga un papel. Prijs di crudo ta fiha na dollar y ta bendi na dollar internacionalmente.
Esaki a duna Merca e privilegio di aumenta su debe nacional basa ariba e demanda di dollar ariba mercado mundial. Merca su debe nacional ta acercando 40 triyon dollar y si e petrodollar cay, Merca ta bancarota. Esencialmente e lema di ‘America first’ a resulta den ‘America Alone’, debi na e guera economico cu Trump a declara contra henter mundo. Ta p’esey e no por a logra union di aliadonan tradicional di Merca den e guera contra Iran’
Den e guera cu Iran America a keda Alone cu excepecion di Israel cu ta den un lucha existencial. Cu e eleccionnan di medio –termino na November Trump a resulta CHECK-MATE.
Ah, a pesar di tur cos: Happy Birthday!
