Diamars anochi a dirigi Polis pa un restaurant den Caya Ing. Roland Lacle. Ey a topa cu un hoben basta burachi na sitio. Doño di e restaurant a yama Polis pa un cliente fastioso cu a menasa cu kier papia cu e Chef sino ta uza cuchiu cu e tin den su poder cu menos bon intencion.
Polis a papia cu e cliente hoben aki pa puntre kico tawata su intencion cu e menesa. El a reacciona cu ta joke el a haci y cu e djis kier a wak e chef pa reclam’e riba cuminda cu no tawata na su agrado. Pero mirando cu e waiter nan a keda bir’e den mas cu un ocasion pa presencia di e chef, e hoben a reacciona pa yama e chef sino e ta hink’e.
E hoben a bisa Polis cu ta cuchiu di corta steak riba mesa so e tawatin den su poder, dus pa nan no a pensa cu e ta cana cu arma blanco sino cu ta djis un joke el a haci.
Pafo di e restaurant Polis a bisa e hoben pa sigui su caminda di pa cas mirando cu e ta hopi burachi y su pareha dama na mas cu un ocasion tawata grit’e pa nan bay for di eynan. E hoben no tawata tende for di niun hende na sitio, ni di su pareha tampoco di e polisnan.
Despues di un rato tata di e hoben a yega na sitio y a logra hink’e den auto pa bay cune cas. Pero esaki no tawata suficiente mirando cu e hoben a pone e tata lora bay bek paso e tin mas cos pa splica e Polisnan. Despues di basta papiamento y cu basta pasenshi di e Polisnan, a detene e hoben mirando cu e tawata hopi burachi y na mas cu un ocasion a pidi’e pa bandona y cu hopi pasenshi nan a papia cune pero e hoben for di prome instante tawata kier pa e polisnan detene.
Ta di remarca cu e propio propetario di restaurant cu a yama Polis no a entrega keho contra e hoben cliente.
