Campeonato HEINEKEN fast pitch dedica na Chin Thiel ( q.e.p.d) y e trabuco Wilbert “Wiwi” Maduro a continua riba veldnan na Pos Chiquito.
Den categoria A-Klas a inicia e serie di 3 wega entre Black Joker kende a perde si promer serie di 1 vs 2 contra Celebrities kende a gana su serie di 3 wega di 3 vs 4. Di acuerdo cu Page System Play off e ganador di e serie aki lo topa Blackhawks den e gran final pa disputa pa e titulo maximo den A-Klas y lo promove pa AA den 2019.
Den un tremendo wega Celebrities ta pika ariba den bom di 2 inning 2-0 pero mesora den cabez di 3 inning Black Joker ta bolter e score 3-2. Den bom di 6 inning Celebrities ta anota 2 careda y ta empata e wega 5-5 y den bom di 7 inning Celebrities ta laga Black Joker den tereno 6-5 pa pika dilanti den e serie 1-0. Celebrities 6 careda,8 hit, 3 error y ta laga 10 coredor na base. Black Joker 5 careda, 7 hit, 1 error y ta laga 12 coredor den circulacion. Mihor bateadornan pa Celebrities ta Albert Croes y wensley Kock ambos di 3-2. Pa Black Joker Brian Courtar 1-1, Gioshua Maduro di 4-2. Antonio Tony Warner ta drenta den di 3 inning relave Gregory Manuel y ta lansa 5 inning pa un total di 81 lansamento permitiendo 1 careda limpi propinando 3 ponche pa pone e wega riba su nomber. Edwin Orman a lansa 7 inning, 126 lansamento regalando 5 base por bola permitiendo 6 careda limpi y ta carga e derota riba su nomber. Dialuna awor pa 715pm Play Off final A-Klas lo inicia den un serie di best out of 5. Fanaticada waak pa Bo tey.
