E luna aki mundo henter ta celebra “LGBTQ Pride Month”. Na Aruba e ultimo añanan ta dedicando mas y mas atencion na e movimiento aki. Awe Chocoglam a prepara algun chuculati specialmente pa e grupo aki pero tambe den un esfuerso pa yuda un famia den necesidad.
Allan Kock a bisa di ta masha orguyoso di e sosten ricibi di clientenan.
E abreviacion LBTQ ta nifica Lesbian, Gay, Bisexual, Transgender and Queer (LGBTQ). E celebracion di e luna aki ta na honor di e Stonewall Uprising in Manhattan cu a tuma luga na Manhattan, na New York. Riba e ultimo diadomingo di luna di juni ta celebra Gay Pride Day. Desde aña 1994 a dicidi cu ta conmemora henter luna di juni.
E aña aki ta marca e di 50 aña di e tradicionnan anual di LGBTQ+. E prome marcha a tuma luga dia 28 di juni 1970 na New York.
Pa loke ta Aruba, Allan Kock ta haya cu ciudadanonan pocopoco ta mas habri y tolerante pa e comunidad LGBTQ.
