Centro di Bario Brazil ta cuminsa celebra ya desde dia 16 di maart di 6 or atardi te cu 9or anochi.
E programa ta e siguiente:
Prome biaha den CBB, E himno ta wordo canta pa 4 ruman muher: ”Las Gomes”.
Apertura cu Drumband Grupo Scout St. Paulus Michael.
Grupo di baile di Rene Kock “Guchi Dancers”.
Grupo di baile di Chastity “The Chaz Dancers”.
Cantantenan hoben, Jetzenia y Jurion Martines ta bay canta bunita canticana relacina cu nos Himno y Bandera .
Caha di orgel pa ambiente unico.
Gran dama Cultural, Sra. Sue-ann Croes, ta bin conta: “construcion di un cas”.
Reconocemento na e alumnonan di school básico di bario Brazil cu a sobresali cu nan pintura di “nos himno y Bandera”.
Autonan clasico ta bay tey tambe pa tur cu kier saca potret.
E dia aki di celebración ta bira un actividad cu hopi ambiente y sin laga afo nos DJ cu ta zorg pa un tremendo sound pa asina nos celebra e dia special aki den Centro di bario Brazil.
Directiva di Centro di Bario Brazil ta invita Aruba completo pa bin celebra cu nos pasobra ta bay tin hopi sorpresa mas pa tur presente .
