Cu e crisis di coronavirus, limpiesa y higiena ta bira mas importante cu nunca. Sinembargo decisionnan tuma den forma ad hoc ya caba ta dunando su resultado. Esnan cu bay San Nicolas lo haya un bista cu ta pone e hendenan pensa cu “cayanan di San Nicolas ta birando un dump”.
A stop practicamente tur e contractonan di limpiesa y den un siman di tempo ya caba por cuminsa mira e resultado. Canando den e cayanan parti patras di centro di ciudad, por mira cantidad di sushi riba caya. Por mira bari di sushinan tira un banda. Probablemente e cayanan di caya no ta hayando cuminda di e restaurantnan den e area mas, door cu nan ta cera, ta busca otro forma pa haya cuminda tirando e barinan aki abou pensando cu eyden lo tin algo di come pa nan.
Anulacion di e contractonan completo sigur no ta positivo pa ningun banda, pasobra e mesun hendenan ey mester bay busca ayudo bek cerca Gobierno. Miho den un caso asina ta dialoga, negocia pa yega na un pago menor, manteniendo e hendenan na trabou y percurando pa e isla a lo largo bira manera un dump. Unabes e yega den e situacion ey, dificil pa drech’e bek pa momento cu e prome turistanan cuminsa yega atrobe.
