‘Love yourself’ ta e nomber di e carousel di informacion cu Unit Startjaar di EPB San Nicolas a draai riba 16 di oktober 2019. E metanan di e carousel aki ta pa e alumnonan haya informacion crucial referente na norma y balor, comportacion y su consecuencianan, uzo y abuso di droga y alcohol, sexaualidad na edad hoben y su consecuencianan, consecuencianan ora un hoben ta cay den man di husticia, uso y mal uso di social media.
Durante di e dia aki tabata tin dos ronde di informacion. E prome ronde tabata pa motivacion cu testimonio di diferente persona. E personanan aki ta Eugene Kingsale cu ta ex-beisbolista profesional di MLB y coach, Gregory Milliard cu ta atleta profesional di MMA y propertario di Academy Milliard MMA, Alysha Boekhoudt cu ta un Psycoloog, Jeanine Rodiguez hunto cu Colins John di Slachtofferhulp Y Danna Garcia, Miss Aruba Universe 2019 cu a toca e tema di e dificultadnan cu e hoben ta pasa den dje.
Durante di e di dos ronda e alumnonan a haya workshop y informacion. Cinco fundacion/instancia a percura pa e alumnonan haya conocemento cu nan lo por uza como heramienta pa por tuma desicionnan corecto y/of soluciona problema na un manera adecua.
E personanan cu a representa nan fundacionnan/instacianan y a duna workshop ta:
Jeanmiree v/d Weef y Micheline Maturin di Fundacion Respetami cu e tema Sexting, Ghislaine Koeiman y Richinella Dirksz di Famia Planea cu e tema Sexualidad na su momento, Josephine Dirksz, Jessy Larmonie di Sociale Zaken cu e tema Stipula prioridad y limitenan basa riba norma y balor, Rulienne Arends di FADA cu e tema adiccion na alcohol y droga, Anisia Leonard, Cristal Brown y Marina Jones di Reclassering cu e tema consecuencianan ora abo cay den man di husticia.
Alumnonan, docentenan y directiva di EPB San Nicolas ta gradici tur e profesionalnan aki y instancianan cu a colabora grandemante pa asina a hasi di e carousel aki uno exitoso.
